1-nji iýunda açyljak Şençžen-Gonkong-Makao awtoulag sergisinde täzelenen Toyota Crown Kluger 2024 hödürlener. Krossower "Highlander-iň" ady üýtgedilen nusgasy diýseň hem bolar. Ol has uly ekranlary we kämilleşdirilen enjamlary aldy diýip, IXBT ýazýar.
Crown Kluger 2024-iň esasy wersiýasynyň media ulgamynyň ekranynyň diagonaly 8-den 10,25 dýuýma çenli ulalar we yzky aýnalarynyň awtomatiki epleniş funksiýasy peýda bolar. Şeýle hem sanly gurallar paneliniň ululygy 7-den 12,3 dýuýma çenli artar.
Has gymmat wersiýalarynda nappa-deri oturgyçlary we iki sany 12,3 dýuýmlyk ekran peýda bolar. Ýokarky wersiýasynda bazada roly elektrikli sazlaýyş we sürüjiniň oturgyjynyň ýagdaýlarynyň ýady bolar.
Täze önüm 20 dýuýmlyk teker diskleri bilen enjamlaşdyrylar. Toyota Safety Sense (TSS) sürüjilere kömek ulgamlarynyň firma toplumy täzelener: TSS 2.5-iň ýerine TSS 3.0 giriziler.
Elektrik gurluşlary öňküligine galar. Esasy wersiýalary henizem bir tekeri hereketli, ähli tigirleri hereketlisi ýokarky wersiýalarda elýeterli bolar.
