Meşhur sazanda, “The Beatles” toparyny esaslandyryjylaryň biri Pol Makkartni baýlygy 1 mlrd funt sterlingden geçen ilkinji britaniýaly sazanda boldy.
“The Times” neşiriniň habar berşi ýaly, geçen ýyl Poluň we onuň aýaly Nensiniň baýlygy 50 mln funt artyp, 1 mlrd funt sterlinge (takmynan, 1,27 mlrd dollar) ýetdi.
Sazandanyň üstünligine diňe bir yzygiderli gastrollar däl, eýsem “The Beatles-iň” “Blackbird” kompozisiýasynyň amerikaly aýdymçy Beýonseniň täze albomyna goşulmagy ýardam etdi.
Mundan başga-da, “The Beatles-iň” soňky aýdymy hökmünde hödürlenen “Now and Then” aýdymy geçen ýyl Beýik Britaniýanyň, Germaniýanyň, Awstriýanyň we ABŞ-nyň çartlarynda birinji orny eýeledi.
Neşiriň maglumatlaryna görä, 2024-nji ýylyň iýun aýynda Makkartniniň “The Beatles” dargandan soň 1974-nji ýylda dokumental taslama üçin ýazylan “One Hand Clapping” studiýa albomynyň çykmagyna garaşylýar.
