Amerikaly biohimikler gan aýlanyş ulgamy bilen beýniniň arasyndaky böwede girip, nerw ulgamynyň içinde we daşynda göwsüň rak keseliniň metastazlaryny ýok edip bilýän nanobölejikleri döretdiler. Bu barada Maýami döwlet uniwersitetiniň lukmançylyk mekdebiniň metbugat gullugyna salgylanýan TASS ýazýar.
Alymlar nanobölejikleriň göwsi rak keselli meýletinçilerdäki beýni metastazlaryny nyşana almakda täsirli bolup biljekdigine ynanýarlar.
Maýami uniwersitetiniň dosenti Şanta Dharyň ýolbaşçylygyndaky topar tarapyndan döredilen bu nanobölejikler rak keseline garşy iki sany derman bilen doldurylan biodegrirlenip bilinýän polimerleriň şar görnüşli gurluşlarydyr.
Ululygy we gurluşy arkaly nanobölejikler uly molekulalaryň aglabasynyň baryp bilmeýän gan-beýni päsgelçiliginden geçip bilýär. Bu olara beýnidäki rak öýjüklerine dermanlary ýöriteläp eltmäge mümkinçilik berýär.
Syçanlar bilen geçirilen synaglarda alymlar beýnisinde we beýleki dokumalarynda çiş öýjükleriniň ösüntgisi bolan haýwanlara nanobölejikleri goýberdiler.
Netijeler, nanobölejikleriň sanjymlarynyň gemrijileriň 80%-inde beýnidäki we beýleki beden dokumalaryndaky çişiň kiçelmegine sebäp bolandygyny, gözegçilik topary bilen deňeşdirilende, haýwanlaryň ömrüni birnäçe hepde uzaldandygyny görkezdi.
