Angliýanyň premýer-ligasy (APL) X sosial ulgamynda möwsümiň iň gowy oýunçysy üçin baýraga dalaşgärleriň sanawyny ýerleşdirdi.
Sanawa Fil Foden (“Mançester Siti”), Erling Holand (“Mançester Siti”), Aleksander Isak (“Nýukasl Ýunaýted”), Martin Edegor (“Arsenal”), Koul Palmer (“Çelsi”), Deklan Raýs (“Arsenal”), Wirjil wan Deýk (“Liwerpul”), Oli Uotkins (“Aston Willa”) girdi.
Janköýerler 13-nji maýa çenli ses berip bilerler. Ýeňiji 18-nji maýda yglan ediler.
Ýatlap geçsek, APL-iň bombardirler ýaryşynda “Mançester Sitiniň” hüjümçisi Erling Holand öňdebaryjydyr. Onuň hasabynda 25 gol bar. Ikinji orny “Çelsiniň” ýarym goragçysy Koul Palmer eýeleýär – 21 gol.
