Ýarym agyr agram derejesinde UFC-niň titulynyň häzirki eýesi Aleks Pereýra Braziliýanyň günortasynda suw joşmalaryndan ejir çekenlere 100 000 dollar bagyş etdi. Bu barada MMA HOJE salgylanyp, metaratings.ru habar berýär.
“Günortadaky köp adamlar ýagyşlar we suw joşmalary sebäpli kömege mätäç. Ýakynda men haýyr-sahawat etdim. Bu ýerde, Braziliýada mätäçlere azyk önümleri üçin 100 000 dollar berdim. Men ýene 20 000 dollar bermegi meýilleşdirýärin. Men elimden gelenini edýärin” – diýip, MMA HOJE Pereýranyň sözlerini getirýär.
Ýatlap geçsek, Pereýra soňky söweşini 14-nji aprelde Las-Wegasdaky UFC 300 ýaryşynda Jamal Hilla garşy geçirdi. Bu söweşde Aleks tehniki nokaut bilen ýeňiş gazanyp, çempion guşagyny gorady. Onuň hasabynda 10 ýeňiş we iki ýeňliş bar.
