Samsung emeli aňyň kömegi bilen Galaxy S25 Ultra smartfonynyň awtonom iş wagtyny artdyrmagy meýilleşdirýär. Bar bolan maglumatlara görä, Samsung Galaxy S25 Ultra 5000 mAs sygymly akkumulýatory saklap galar. Ýöne täze maglumatlar kompaniýanyň Battery AI funksiýasynyň kömegi bilen smartfony has awtonom etjekdigini görkezýär.
Ýagny, bu smartfona birneme uzak, iň bolmanda, 5-10% köp işlemäge mümkinçilik berjek programma çözgüdidir. Bu funksiýa zarýad azalan ýagdaýynda işjeňleşse-de, köpler üçin peýdaly bolup biler.
Funksiýanyň nähili işlejekdigi barada takyk maglumat ýok, ýöne şeýle programma üpjünçiligi eýýäm ençeme wagt bäri bazarda bar. Onuň işleýiş özeni ýönekeý: haçan-da smartfonyň zarýady azalanda, programma üpjünçiligi käbir funksiýalary, fon meselelerini we proseslerini öçürip ýa-da çäklendirip, zarýadyň sarp edilişini azaldýar we şoňa görä smartfonyň iş wagtyny uzaldýar. Battery AI bilen bagly ýagdaýda, adyndan çen tutsaň, funksiýa emeli aňa esaslanar.
Umuman aýdanyňda, Galaxy S25 hatary ahyrynda beýlekilere garanda has uzak ömürli bolup biler.
