Lewerkuzeniň "Baýer" futbol kluby ýeňilmezek duşuşyklarynyň sanyny artdyryp, Ýewropa futbolynyň rekordyny gaýtalady. Bundesliganyň 32-nji tapgyr duşuşygynda "Aýntrahta" garşy oýunda Habi Alonsonyň şägirtleri 5:1 hasap bilen uly ýeňiş gazandylar.
"Baýer" üçin bu resmi duşuşyklarda yzygider 48-nji gezek ýeňlişsiz duşuşykdyr. Bu üstünlik nemes klubuna "Benfika" tarapyndan 1963-nji ýylda goýlan rekordy gaýtalamaga mümkinçilik berdi diýip, "Çempionat" habar berýär.
Ýatlap geçsek, "Baýer" 29-njy tapgyr duşuşygyň jemleri boýunça 2023/2024 möwsümde Bundesliganyň çempiony boldy. Habi Alonsonyň şägirtleriniň Ýewropa ligasynyň finalyna çykmaga oňat mümkinçiligi bar. Birinji ýarym final duşuşygynda "Baýer" "Romadan" 2:0 üstün çykdy.
