Xiaomi kompaniýasy öň Hytaýda hödürlenen Redmi Pad Pro planşetini Poco brendi bilen dünýä bazary üçin täzeden çykarmagy maksat edinýär. Degişli aýratynlyklary bolan planşet FCC tarapyndan sertifikatlaşdyryldy diýip, MySmartPrice portaly habar berýär.
Xiaomi-niň subbrendiniň ilkinji planşeti 2405CPCFBG model belgili enjam diýlip atlandyryldy we ol Android 14 operasion ulgamynyň HyperOS 1.0 nusgasy bilen ýerlener.
FCC maglumatlar bazasyna görä, Poco Pad Wi-Fi 6-ny hem goldaýar we 33 Wt zarýad beriji bilen üpjün edilýär. Redmi Pad Pro-nyň dünýä bazaryna Poco planşeti hökmünde hödürlenjekdigi öňem bellenilýärdi we FCC maglumatlar bazasyndaky meňzeş parametrler bolsa bu maglumatlary tassyklady.
Bu ýagdaýda Poco Pad 1600x2560 piksel durulykda we 120 Gs şekil täzeleniş tizligi bolan 12,1 dýuým IPS ekrana eýe bolar. Enjam 6 ýa-da 8 GB operatiw ýat we 128 ýa-da 256 GB hemişelik ýat bilen doldurylan Qualcomm Snapdragon 7s Gen 2 çipi bilen üpjün ediler. Planşetde 10000 mA/s sygymly akkumulýator, hersi 8 megapiksel durulykda öň we esasy kameralar bolar.
Poco Pad-yň tanyşdyryljak senesi we bahasy heniz aýan edilmedi.
