Android smartfonlaryň satuwy 2024-nji ýylda iPhone-yň satuwyndan has çalt öser. Bu barada CNN teleýaýlymy halkara maglumat korporasiýasynyň (IDC) maglumatlaryna salgylanyp habar berýär.
Gözleg firmasynyň hünärmenleriniň çaklamalaryna görä, Android enjamlarynyň ýerlenilmegi Apple smartfonlarynyň ýerlenilmeginden takmynan iki esse çalt öser. Hytaýyň bazary bu ösüşiň esasy sebäpleriniň biri hökmünde görkezildi.
IDC-de Hytaýyň Tim Kukuň kompaniýasy üçin diýseň möhüm sebit bolup galýandygyny bellediler – Apple mahabat we arzanladyşlar arkaly satuwy artdyrmaga synanyşýar. Şeýle-de bolsa, ýerli sarp edijileriň köpüsi milli brendlere – Huawei, Xiaomi, Oppo we başgalara has köp üns berip başladylar. Şol sebäpli Hytaýda iPhone-yň satuwy çöküp biler.
Şeýle hem Apple heniz emeli eň (AI) hyzmatlaryny öz enjamlaryna hiç hili birikdirmändigi üçin öňdebaryjy smartfon öndürijilerinden tapawutlanýar. «Iýun aýynda geçiriljek işläp düzüjileriň maslahatynda bu barada käbir habarlary eşitmegi umyt edýäris» diýip, IDC-niň barlaglar boýunça direktory Nabila Popal belledi.
