Türkmenistanda saglygy goraýyş maglumat ulgamyny sanlylaşdyrmak maksady bilen, Bütindünýä Saglygy Goraýyş Guramasynyň (BSGG) Türkmenistanyň saglygy goraýyş ulgamynyň hasabat görnüşlerinde maglumat ýygnamagyny seljermek üçin gurallaryny hödürleýän okuwy başlandy.
Çäreler BSGG-niň Türkmenistandaky bölümi tarapyndan geçirilýär. Bu okuwyň tälimçileri BSGG-niň Gazagystandaky bölüminiň saglyk ulgamyny sanlylaşdyrmak edarasynyň, şeýle hem Russiýa Federasiýasynyň Saglygy goraýyş we jemgyýetçilik ösüşi ministrliginiň saglyk ulgamyny maglumatlaşdyrmak we guramak boýunça Merkezi ylmy-barlag institutynyň hünärmenleridir.
Okuwa gatnaşyjylar saglyk ulgamynda maglumatlary dolandyrmagyň netijeliligini, takyklygyny we sanlylaşdyrylmagy ýokarlandyrmak üçin öňdebaryjy tejribäni we innowasiýa çemeleşmelerini öwrenerler diýip, "Türkmenistan: Altyn asyr" elektron neşiri habar berýär.
Saglyk maglumatlarynyň ýokary hilli we öz wagtynda elýeterliligi milli saglyk ulgamynyň möhüm bölegi bolup, çalt we düýpli çözgüt tapmak üçin möhümdir.
