Toyota Camry onlarça ýyldan bäri öz klasynda iň ygtybarly modelleriň biri hasaplanýar.
Car Complaints, J.D. Power we NHTSA-nyň maglumatlaryna görä, 1995, 2001, 2006, 2013, 2017 we 2019–2020 modeller iň az meseleli modeller bolup çykdy. Bu awtoulaglar J.D. Power tarapyndan 100-de 80-den ýokary ygtybarlylyk bahasyny aldy. Olar dükanlar tarapyndan yzyna çagyryşyň iň az mukdary bilen tapawutlandy, diýip, 32Cars portaly habar berýär.
Aýratynam ýedinji nesil (2012–2017 ýyllar) we sekizinji nesil (2018–2024 ýyllar), şeýle hem uzak ömri bilen tanalýan dördünji we bäşinji nesiller aýratyn bellenilýär. Wagtynda hyzmat edilse, olaryň hereketlendirijileri we transmissiýalary düýpli abatlaýyş işlerine mätäç bolman, 320 müňden 400 müň kilometre çenli ýol geçip bilýär.
Altynjy nesilde (2007–2011 ýyllar) 2,4 litrlik 2AZ-FE hereketlendirijide ýag sarp edilişiniň ýokarlanmagy we birnäçe ownuk näsazlyklar bellige alyndy. Şol döwri modelleriň arasynda hünärmenler V6 hereketlendirijili wersiýalary saýlamagy maslahat berýärler.
Toyota Camry, çykarylan ýyly dogry saýlansa, «göz ýumup» satyn alyp boljak az sanly sedanlaryň biridir.
