Portugaliýaly futbolçy Kriştianu Ronaldu öz söýgülisi Jorjina Rodrigese durmuşa çykmagy teklip etdi.
Adaglama barada Jorjina sosial ulgamlarda habar berip, nika ýüzüginiň suraty we “Razy. Şu we ähli ömrümde” (Sí, quiero. En esta y en todas mis vidas) ýazgysy bilen paýlaşdy.
Ronaldu bilen Jorjina 2016-njy ýyldan bäri gatnaşýar. 31 ýaşly model we 40 ýaşly futbolçy bäş çagany terbiýeleýär: Kriştianu-kiçi, ekizler Ýewa we Mateo, şeýle-de umumy gyzlary Alana Martina we Bella Esmeralda.
Iýun aýynda Ronaldu saud “Al-Nasry” bilen şertnamasyny 2027-nji ýyla çenli uzaltdy. Ol Portugaliýanyň milli ýygyndysyndaky karýerasynyň dowamynda Ýewropa çempiony boldy (2016) we iki gezek UEFA-nyň Milletler ligasynda ýeňiş gazandy. Şeýle-de, Kriştianu bäş gezek Çempionlar ligasynda ýeňiji boldy we şonça gezek “Altyn topy” aldy.
Karýerasynyň dowamynda hüjümçi Lissabonyň “Sporting” klubunda, “Mançester Ýunaýtedde”, Madridiň “Realynda” we “Ýuwentusda” oýnady.
