Fransiýaly pianinoçy Joanna Gudal gastrol syýahatyny Türkmenistanda konsert bilen açar. Aşgabatdaky Fransuz institutynyň habar bermegine görä, gastrolyň çäklerinde Gudal Türkmenistanyň, Özbegistanyň we Türkiýäniň 9 şäherinde konsert bermegi meýilleşdirýär.
“Barokko-Bagşy” adyny alan döredijilik taslamasynda pianinoçy nusgawy aýdym-saz söýüjilerine barokko eýýamynyň fransiýaly kompozitory Žan-Filipp Ramonyň (1683-1764) döredijiligi bilen Beýik Ýüpek ýolunyň mukamlarynyň arasyndaky dialogy hödürlär.
Aşgabatda “Barokko-Bagşy” konserti 13-nji aprelde Mukamlar köşgünde geçiriler. Gudal halk sazandalary we Resul Gylyjowyň ýolbaşçylygyndaky Döwlet simfoniki orkestri bilen bilelikde çykyş eder.
Petekleri şu telefon belgileri arkaly satyn alyp bilersiňiz: 223898 / 514157 / +993 63 467177 / +993 64 037456
Türkmenistanyň beýleki şäherlerinde konsert solo görnüşinde bolar.
Giriş mugt.
- Daşoguzda konsert 15-nji aprelde N.Andalyp adyndaky döwlet sazly drama teatrynda geçiriler.
- Türkmenabatda 25-nji aprelde S.Seýdi adyndaky döwlet sazly drama teatrynda geçer.
- Maryda bolsa 27-nji aprelde Döwlet sazly drama teatrynda geçiriler.
