Redmi Turbo 3 smartfonynyň resmi tanyşdyrylyşy geçirildi. Smartfon Hytaýda Redmi brendiniň täze ýolbaşçysy Wan Teng tarapyndan hödürlendi. Xiaomi-niň ýolbaşçysy Leý Szýun smartfon satuwy boýunça meýilnama ýerine ýetirilen halatynda oňa Xiaomi SU7 sowgat bermegi wada berdi, şonuň üçin bu tanyşdyrylyş subbrendiň täze ýolbaşçysy üçin özboluşly bir synag boldy.
Ixbt.com portalynyň habar berşi ýaly, kompaniýa ilkibaşda täze smartfony Redmi Note 13 Turbo ady bilen çykarmakçydy, ýöne bu model bilen Redmi Note 12 Turbo-nyň arasyndaky tapawudyň düýpli bolandygy sebäpli, kompaniýanyň marketologlary rebrending geçirmek kararyna geldiler we hatda Turbo 3 üçin alternatiw at – “Kiçijik Tornado” adyny oýlap tapdylar.
Redmi Turbo 3-üň esasy aýratynlyklary:
- ·Prosessor: Snapdragon 8s Gen 3;
- ·Ekran: OLED, 6,67'', 1.5K, 120 Gs;
- ·Ýat: 12/16 GB operatiw, 256/512 GB/1 TB hemişelik;
- ·Kamera: 50 Mp (Sony LYT-600) + 8 Mp (Sony IMX355) we frontal kamera: 20 Mp (OmniVision OV20B);
- ·Akkumulýator: 5000 mAs, 90 Wt çalt zarýad beriş;
- ·Goşmaça: IP64 goragy, NFC, stereodinamikalar, ekranasty barmak yzyny skanerleýji.
12/256 GB wersiýasy üçin baha $265, 12/512 GB - $320, 16/512 GB - $345, 16 GB/1 TB - $390.
Ýatlap geçsek, öň biz Garri Potteriň muşdaklary üçin ýörite çäkli Redmi Turbo 3 Harry Potter Edition görnüşi barada habar beripdik. Bu görnüş 370 dollara hödürlenýär.
Bellenilişi ýaly, başlangyç tapgyr deslapky sargytlaryň esasynda derrew satyldy. Kompaniýa satuwyň ilkinji gününde (15-nji aprel) bu model üçin gaýtadan sargyt resmileşdirip boljakdygyny tassyklady.
