Amerikan biotehnologiýa kompaniýasy LyGenesis adam bedeniniň içinde bagyr ösdürip ýetişdirmäge mümkinçilik berýän synag terapiýasynyň ikinji tapgyrynyň başlanandygyny habar berdi. Bu barada “New Scientist” neşiri ýazýar.
Serişde adaty transplantasiýa üçin ýaramsyz bolan donor bagryndan döredilýär. Organdan gepatositler diýlip atlandyrylýan öýjükler alynýar, olardan ergin edilýär we hassanyň limfatik düwünlerine goýberilýär.
Bagryň öýjükleri gan aýlanyş ulgamy bilen birleşip, ösüp we bölünip başlaýar. Netijede, limfatik düwün ýuwaş-ýuwaşdan transplantasiýa geçirilýänçä esasy organyň wagtlaýyn ornuny tutup biljek işleýän kiçi bagra öwrülýär.
Alymlaryň hasaplamalaryna görä, her ýyl täze bagra garaşýan adamlaryň, takmynan, 17%-i aradan çykýar.
Usul haýwanlardaky synaglarda üstünlikli boldy. Adamlardaky tejribelere organy dikeldip bolmaýan bagyr keseli bolan 12 hassany çekmek meýilleşdirilýär.
