Amerikanyň Reflect Orbital başlangyjy kosmosa äpet aýnany ibermegi meýilleşdirýär. Ol Gün şöhlesini tutup, ony Ýere gönükdirer diýip, Kaliforniýada ýerleşýän kompaniýa habar berýär.
Taslama gijesine gury ýeriň we deňziň käbir böleklerini ýagtylandyrmaga kömek eder diýlip garaşylýar. Bu elektrik energiýasynyň öndürilişiniň netijeliligini ýokarlandyrmaga mümkinçilik berer.
Kompaniýa Gün energiýasynyň tükeniksiz çeşmedigini, ýöne Gün panelleriniň netijeliliginiň gije peselýändigini belleýär. Reflect Orbital-yň wekilleriniň sözlerine görä, aýnany orbita çykarmak bu çäkliligiň öwezini dolar.
Taslamany durmuşa geçirmek üçin ulanylýan material bolan maýlar ýüzi çydamly we gowy izolýasiýa häsiýetli poliefir örtükdir. Aýna Ýerdäki zerur zolaklara Gün şöhlesini serpikdirer.
Maksatnamanyň çäginde kompaniýa orbita 57 aýna obýektini çykarmagy meýilleşdirýär. Olar deňiz derejesinden, takmynan, 600 kilometr belentlikde ýerleşdiriler we hemra serpikdirijileri hökmünde çykyş ederler. Ozal Reflect Orbital 2,4 m² ölçegindäki aýnanyň prototipini aerostatyň kömegi bilen howa galdyryp, üstünlikli synagdan geçiripdi.
