Ýeralma bilen pomidoryň genetiki gelip çykyşy umumy bolup, olary sapylmagy, takmynan, 9 million ýyl ozal bolup geçipdir. Bu barada Xinhua agentligi halkara alymlar topary tarapyndan geçirilen gözlegiň netijelerine salgylanyp habar berýär.
Taslama Şençzhen şäherindäki Oba hojalyk genomikasy instituty, Hytaýyň Oba hojalyk ylymlary akademiýasy we Lançžou uniwersitetiniň alymlary gatnaşdy. Şeýle-de, barlaga Kanada bilen Beýik Britaniýadan alymlar hem goşuldy. Alymlaryň netijesine görä, takmynan 9 million ýyl mundan ozal pomidor bilen “ýeralma meňzeş ösümligiň” arasynda genetiki garyşyk bolup, netijede täze bir agzasy — köki (klubni) bolan gibrid emele gelipdir.
Hytaýly alymlaryň pikiriçe, ýeralmanyň köki genomyň gurluşynyň üýtgemegi netijesinde emele gelipdir. Olar bu ylmy açyşyň dünýäde giňden ýaýran we ýokary iýmit gymmaty bolan ýeralma üçin genetiki seçgi mümkinçilikleriniň täze gapylaryny açýandygyny belleýärler.
Barlagyň netijeleri Cell amerikan ylmy žurnalynyň soňky sanynda çap edildi.
