«Akylly» ruçka sözleýşi tekste geçirmäge we sowatsyzlygy ýok etmäge kömek eder

  • 09.04.2024 13:43
  • 7.6k+

Bütindünýä sowatlylyk gaznasy Media.Monks bilen hyzmatdaşlykda dünýä derejesinde sowatsyzlyga garşy göreşmek üçin döredilen Literacy Pen atly akylly ruçka modulynyň işe girizilendigini habar berdi. Bu barada Ferra portaly habar berýär.

ÝUNESKO-nyň maglumatlaryna görä, sowatsyzlyk meselesi dünýäde takmynan 773 million adama täsir edýär, bu bolsa durmuş-ykdysady ösüşe çynlakaý päsgelçilik döredýär. Literacy Pen bu meseläni çözmäge ýardam berer. Ol aýdylan sözi ýerleşdirilen sanly ekranda tekste öwürmek üçin sözlemi tanamak funksiýasy bilen enjamlaşdyrylan ykjam elektron enjamdyr.
Enjam adaty ruçka ýa-da galama dakylýar we ulanyjylaryň aýdan sözüni grammatiki takyklyk bilen ekranda görkezýär, bu bolsa ulanyjylara dogry ýazmaga mümkinçilik döredýär. Emma munuň üçin ähli sözleri dogry aýtmaly.
Literacy Pen-iň haýsy dilleri goldaýandygy habar berilmedi. Bu konseptual enjam, şonuň üçin onuň geljekde satuwa çykarylyp-çykarylmajagy belli däl.
Bütindünýä sowatlylyk gaznasy (The World Literacy Foundation) bütin dünýäde sowatsyzlygy ýok etmek maksady bilen, 2003-nji ýylda Awstraliýada döredildi.


29.10.2025 11:02
3.8k+

Alymlar birnäçe ösümlikleriň rak keseline garşy täsiriniň bardygyny tassykladylar

Yrakly, hindistanly we russiýaly alymlar Hytaýyň halk lukmançylygynda ulanylýan birnäçe ösümlikden alnan maddalary barladylar we olaryň iň azyndan sekizsinde rak keseline garşy täsirleriň bardygyny subut etdiler...

29.10.2025 10:52
1.4k+

Mýanmada molýuskalaryň iki täze görnüşi tapyldy

Halkara alymlar topary Mýanmada süýji suwda ýaşaýan korbikul (Corbicula) tohumyna degişli molýuskalaryň iki täze görnüşini we sferokorbikul (Sphaerocorbicula) atly täze kiçi tohumy ýüze çykardylar. Şeýlelikde, tohumyň doly klassifikasiýasy täzeden anyklandy...

27.10.2025 16:42
6.1k+

Türkmenistanly okuwçylar Panamada geçiriljek «Robotlaryň olimpiadasyna» ugradylar

Türkmen mekdep okuwçylary robototehnika boýunça halkara derejeli abraýly bäsleşik hasaplanýan "First Global Challenge 2025" ýaryşyna gatnaşarlar. «Robotlaryň Olimpiadasy» diýlip hem atlandyrylýan bu ýaryş 29-njy oktýabrdan 1-nji noýabra çenli Panamada geçirilip, dünýäniň 190 döwletinden gatnaşyjylary bir ýere jemlär...

27.10.2025 00:07
4.1k+

Ylmy barlaglaryñ netijesi: Tokaýlar bagtly bolmaga we durmuşdan kanagatlanmaga täsir edýär

Soňky ýyllarda dünýäniň iň bagtly ýurtlarynyň sanawynda Finlýandiýa yzygiderli birinji orunda durýar. Şol bir wagtda ol Ýewropanyň iň tokaýly ýurtlarynyň biridir. Bu ýagdaý halkara alymlaryň ünsüni özüne çekdi — olar finleriň gündelik durmuşynda tokaýlaryň bagt duýgusyna gönüden-göni täsir edýändigini anykladylar...