Alymlar: Durnuksyz iş tertibi 50 ýaşdan soň saglyga zyýan ýetirýär

  • 08.04.2024 15:56
  • 9.2k+

Nýu-Ýork uniwersitetiniň geçiren gözlegleri ýaşlyk ýyllarynda durnuksyz iş tertibinde zähmet çeken adamlaryň 50 ýaşdan soň depressiýa we ukusyzlyga duçar bolýandyklaryny we dürli keseller bilen göreşmekde has ejiz bolýandyklaryny anyklady diýip, TechInsider habar berýär .

Alymlar 50 ýaşdan uly 7 müňden gowrak adamyň ruhy ýagdaýyna we beden saglygyna baha berdiler.
Netijeler şu aşakdakylary görkezdi:

  • Gatnaşanlaryň 26% -i ýaşlyk döwründe adaty iş tertipde zähmet çekipdirler;
  • 35%-i – köplenç, kadaly iş tertibinde zähmet çekip, diňe käwagt işden soň galyp işläpdirler;
  • 17%-i - 20 ýaşynda adaty iş tertibine laýyk işläp başlanam bolsalar, soň  durnuksyz iş tertibine geçipdirler (agşam / gije çalşyklaryndaky iş, wagty kadalaşdyrylmadyk iş sagatlary);
  • 10%-i - gözleg döwründe işlemändirler.

Alymlar, esasanam, gözlege gatnaşanlaryň 17% -li toparynda alnan görkezijiler bilen gyzyklandylar. Durnuksyz iş tertibi bu topary kesellere durnuksyz etdi, umumy saglyklarynyň ýaramazlaşmagyna, ukylarynyň bozulmagyna, fiziki ýadawlyga we sussupeslige düşmeklerine sebäp boldy.
Gözlegçiler gözlegiň netijelerini iş bilen şahsy durmuşyň deňagramlylygyny saklamagyň möhümdiginiň ýene bir subutnamasy diýip atlandyrdylar.


düýn 10:38
2.7k+

Hassanyň kesel kesgidi goýlandan soň rahatlanmasyny “Rumpelştilshen täsiri” diýip atlandyrdylar

Lukmanlar gyzykly bir hadysa üns berdiler: käbir hassalar lukmandan keseliniň takyk adyny bilenlerinden soň derrew rahatlyk duýýarlar. Şol sebäpli olaryň saglygy entek bejergä başlanmazdan öň gowlaşyp ugraýar. Amerikaly alymlar bu hadysa doganlar Grimmleriň ertekisindäkä meňzedip “Rumpelştilshen täsiri” diýip at bermegi teklip etdiler...

düýn 10:34
3.5k+

Ekologlar Amazon tokaýlarynyň onlarça keseliň öňüni almaga kömek edýändigini subut etdiler

Daşky gurşawy goraýjylaryň halkara topary arassa tokaýlyklaryň uly meýdany tutýan Amazon sebitlerinde ýangyn bilen baglanyşykly 27 keseliň we zoonoz ýokançlygynyň ep-esli az bolýandygyny anyklady. Tebigaty goramak boýunça halkara bileleşiginiň (IUCN) habaryna görä, bu maglumatlar tokaýy çapylan ýerleri dikeltmegiň we agaç çapmagyň çäklendirilmeginiň zerurdygyny tassyklaýar...

12.09.2025 18:14
5.9k+

ÝUNISEF: dünýäde aşa agramly çagalaryň sany 391 milliona ýetdi

Artykmaç agramy bolan 5 ýaşdan 19 ýaşa çenli çagalaryň we ýetginjekleriň sany 2000-nji ýyldan bäri iki esse artyp, 391 milliona ýetdi. Bu barada BMG-niň Çagalar gaznasynyň (ÝUNISEF) çagalaryň iýmitleniş ýagdaýyna bagyşlanan täze hasabatynda aýdylýar...

11.09.2025 21:25
12k+

Rak keselini bejermegiň iki täze usuly onkologiýa çemeleşmäni düýpli  özgertmegi wada berýär

Onkologiýada iki täze çemeleşme rak keseliniň bejergisini ep-esli üýtgäp biler. Olar barada The Financial Times gazetinde çap edilen makalada aýdylýar. Birinjisi - radioaktiw izotoplary göni çişlere eltmäge mümkinçilik berýän, Şweýsariýanyň Novartis kompaniýasy tarapyndan işlenip düzülen radioligand bejergisidir...