Stenford uniwersitetiniň we Goward Hýuz lukmançylyk institutynyň amerikan alymlary düýbünden ysmaz adamlara pikirlerini ekranda sözlere öwürmäge mümkinçilik berýän ilkinji beýni implantyny döretdiler.
Hünärmenler gapdal amiotrofik sklerozly näsagda sözleýiş bilen baglanyşykly beýni gabygynyň zolaklaryna datçikleri ýerleşdirdiler. Enjamlar adamyň anyk sözleri aýtmak synanyşygyny ekranda tekste öwrüp, takyk düşündirip bildi.
Gözleg mikroelektrod massiwlerini wentral premotor gabygyna we Brokanyň zolagyna ýerleşdirmegi hem öz içine aldy. Neýron dekoderiniň pikiri tanamagyň netijeliligi 94% boldy. Adam minutda 62 söz tizliginde gürleşip bildi, bu bolsa adaty söhbetdeşligiň tizligine gabat gelýär.
Alymlaryň bellemeklerine görä, olaryň döreden ulgamy häzirlikçe adamlaryň gündelik durmuşda ulanyp boljak hakyky enjamy däl-de, diňe konsepsiýanyň subutnamasy bolup hyzmat edýär. Şeýle-de bolsa, tehnologiýa doly ysmaz bolan adamlaryň aragatnaşyk gurmak ukybyny dikeltmek meselesinde uly ädimdir.
