Hytaýda Xueba 01 atly robot Şanhaý teatr akademiýasynyň "dramaturgiýa we kino" ugry boýunça doktorantura maksatnamasyna kabul edildi. Bu barada South China Morning Post neşiri habar berýär.
Okuw dört ýyl dowam eder. Bu döwürde robot gadymy hytaý operasyny, sahna ussatlygyny, ssenari ýazmak, sahna dizaýny we tehniki ugurlary öwrenmäge çalşar. Programma tamamlanandan soň, Xueba 01 dissertasiýa goramagy meýilleşdirýär. Okuw sapaklary 14-nji sentýabrda başlar.
Robotyň ylmy ýolbaşçysy suratkeş Ýan Çinçin boldy.
Xueba 01 roboty Şanhaý Ylym we Tehnologiýa uniwersitetiniň hem-de DroidUp Robotics kompaniýasynyň hünärmenleri tarapyndan döredildi.
"Xueba" sözi hytaý dilindäki slengde “bäşlikçi”, ýagny “okuwda öňdebaryjy” diýmegi aňladýar. Bu robotyň boýy 175 sm, agramy bolsa 30 kg töweregi. Ol äýnek dakynýar, köýnek we balak geýýär, ýüz mimikasyny görkezmäge we adamlar bilen özara gatnaşyga ukyply.
"Xueba 01 talyplar bilen aragatnaşyk saklanda, bu diňe bir sowuk enjamlaryň adam bilen duşuşygy däl-de, eýsem dürli görnüşleriň arasyndaky estetik alyş-çalyşdyr" diýip, Ýan Çinçin belleýär.
