Meta kompaniýasy eliň hereketini bilmäge ukyply ekransyz bilezigiň täzelenen prototipini görkezdi. Ol ulanyjynyň goşaryndan alynýan maglumatlara esaslanýar. Gurluşyň mümkinçilikleri baradaky maglumatlary Nature žurnaly hödürledi.
Bilezigiň 2021-nji ýyldaky prototipini her bir hereketi aýratynlykda görkezmek arkaly “okatmaly” bolýardy, ýöne häzirki wersiýa neýroulgam algoritmlerini ulanýar. Bu okatmagyň wagtyny azaltmaga we gurluşyň düşünýän hereketleriniň sanyny artdyrmaga mümkinçilik berdi. Işläp düzüjiler indi gurluşyň diňe bir hereketiň ugruny däl-de, eýsem güýjüni-de hasaba alýandygyny belleýär.
Esasy tehniki aýratynlyklar:
- ·Gurluş eldäki elektrik impulslary okaýar;
- ·Barmaklaryň we eliň hereketine düşünýär;
- ·Kursory dolandyrmaga we “klik” etmäge mümkinçilik berýär;
- ·Minutda 20,9 söz tizligi bilen elde ýazmagy goldaýar.
Ýetilen üstünliklere garamazdan, Meta işläp taýýarlamagyň maksadyny görkezmeýär we gurluşyň täjirçilik satuwynyň möhleti barada habar bermeýär.
Ýöne şeýle tehnologiýa mümkinçiligi çäkli adamlar üçin peýdaly bolup biler. Şeýle-de, ony oýunlarda ýa-da wirtual hakykatda kontroller hökmünde ulanyp bolar. Bilezik Meta Quest garniturasynyň üstüni ýetirip biler.
