Amerikaly aktýor Timoti Şalame Warner Bros. bilen köpýyllyk şertnama baglaşdy. Şertnama laýyklykda, 28 ýaşly aktýor baş gahryman we prodýuser hökmünde studiýanyň original filmleriniň üstünde işlär. Bu barada Variety habar berýär.
Şertnamanyň bahasy aýan edilmeýär. Ylalaşyk eksklýuziw bolmaz - Şalame Golliwudyň beýleki studiýalarynyň taslamalarynda hem surata düşmegini dowam etdirer. Şeýle-de bolsa, Warner Bros. aktýoryň esasy hyzmatdaşy bolmak bilen, ony öz filmlerine çagyrmakda aýratyn hukuga eýe bolar.
Timoti Şalame bilen täze şertnama soňky aýlarda Warner Bros.-dan eýýäm üçünji şertnamadyr. Öň, kinostudiýa Tom Kruz we "Barbiniň" ýyldyzy Margo Robbiniň prodýuserlik studiýasy bilen şertnama baglaşdy.
Belläp geçsek, baş keşpde Timoti Şalame bilen 2023-nji ýylyň dekabr aýynda çykan "Wonka" prokatda 632 mln dollar, 2024-nji ýylyň mart aýynyň başynda çykan "Dýunanyň" dowamy bolsa 575 mln dollar gazandy. Studiýanyň maglumatlaryna görä, Şalame soňky 40 ýylda sekiz aýlyk döwürde çykan iki iň gowy amerikan filminde surata düşen ilkinji aktýor boldy. Umumylykda iki lenta döredijilere 1,2 mlrd dollar girdeji getirdi.
