Ýaponiýanyň aerokosmos gözlegleri agentligi (JAXA) SLIM Aý moduly bilen aragatnaşygyň dikeldilendigini habar berdi. Muny TASS ýetirýär.
Ýaponiýanyň ilkinji Aý moduly SLIM 20-nji ýanwarda Aýa gondy, ýöne 1-nji fewralda Aý gijesiniň başlanmagy sebäpli uky režimine geçirildi. 26-njy fewralda enjam bilen aragatnaşyk kem-käsleýin dikeldildi, ýöne 1-nji martda ol ýene uky režimine geçirildi.
Agentligiň hünärmenleriniň ikinji Aý gijesinden soň SLIM bilen aragatnaşygy dikeldip boljakdygyna ynamy ýokdy, sebäbi temperaturanyň üýtgemegi enjama zyýan ýetirip bilerdi. Ýöne 28-nji martda enjam bilen aragatnaşyk üstünlikli dikeldildi.
SLIM ýüzi tanaýyş sistemalarynda ulanylýan tehnologiýalara meňzeş tehnologiýalaryň kömegi bilen Aýdaky kraterleri we relýefi öwrenmek üçin niýetlenendir. Ol Aýyň üstündäki jynslarda demiriň we beýleki elementleriň düzümini ölçemäge mümkinçilik berýän ýörite kamera bilen üpjün edildi.
Enjam arkaly alnan maglumatlar ABŞ-nyň Aeronawtika we kosmos giňişligini öwrenmek boýunça Milli edarasynyň Artemis Aý maksatnamasynyň çäklerinde ulanylar.
