Repçi Kanýe Uest soňky 13 ýylda ilkinji gezek Billboard Hot 100 reýtinginde lider boldy. Onuň Ty Dolla $ign bilen bilelikde ýazylan “Carnival” aýdymy birinji orny eýeledi. Bu barada “Variety” neşiri habar berýär.
Aýdym fewral aýynyň ahyrynda çykanyndan birnäçe hepde soň birinji orny eýeledi. Häzir bu reýtingde ikinji orunda Teddi Swimsiň “Lose Control” aýdymy ýerleşýär. Onuň yzyndan Harlouwyň “Lovin On Me” we Benson Bunyň “Beautiful Things” aýdymy gelýär. Bäşinji orunda Beýonse, soňra Teýt Makreý, Braýan we Keýsi Masgreýws, SZA, Doja Cat we Teýlor Swift ýerleşýär.
Uestiň bu aýdymy TikTok-yň iň gowy 50 aýdymynyň sanawynda-da birinji orny eýeleýär. Aýdymy öz içine alýan “Vultures” albomy 9-njy fewralda resmi çykanyndan bäri iň gowy albomlaryň onlugynda saklanýar, şeýle-de ol 53 müň satylan nusga bilen Billboard 200-de üçünji orny eýeleýär.
Ty Dolla $ign-den başga-da, “Carnival” aýdymyny ýazmaga repçiler Rich the Kid we Playboi Carti gatnaşdy. Kanýe Uest bilen Ty Dolla $ign-iň “Vultures” atly bilelikdäki albomy üç bölekde çykar. Birinjisi 9-njy fewralda çykdy, ikinjisi 15-nji martda, ýene biri 5-nji aprelde çykmaly.
