Space One hususy ýapon kompaniýasynyň Kairos raketasynyň kömegi bilen orbita hemra uçurmak boýunça ilkinji synanyşygy şowsuz boldy. Bloomberg habarlar gullugynyň habaryna görä, raketa Kuşimotodaky (Wakaýama prefekturasy) Spaceport Kit kosmodromyndan uçurylandan birnäçe sekunt soň ýaryldy.
Partlama öz-özüni ýok etmek mehanizminiň işläp başlamagy sebäp boldy. Space One-yň baş direktory Masakadzu Toyota-yň sözlerine görä, bu düýpli derňeljek adatdan daşary ýagdaý sebäpli ýüze çykdy.
Wakaýamanyň gubernatory Sýuheý Kişimoto žurnalistlere beren habarynda: "Bu ýagdaý gynançly hem bolsa, öz-özüni ýok ediji enjamyň derhal işländigine we hiç kime zyýan ýetmändigine begenýäris" -diýdi.
Raketanyň bortunda Ýere uzakdan gözegçilik etmäge niýetlenen emeli hemra bardy.
Masakadzu Toyota geljekde Kairos raketasynyň uçurylmagy baradaky kararyň derňewiň netijelerine esaslanyp kabul ediljekdigini aýtdy.
Space One 2018-nji ýylda esaslandyryldy. Başlangyç Canon Electronics, IHI Aerospace Engineering, Shimizu gurluşyk korporasiýasy we Ýaponiýanyň Ösüş Banky tarapyndan maliýeleşdirilýär.
Bloomberg-iň ýazmagyna görä, 2018-nji ýylyň aprel aýyndan bäri iň ýokary nyrhyny saklap gelýän Kairos-yň uçurylmazyndan bir gün öň Canon Electronics-iň kotirowkasy boýunça bahasy raketa partlandan soň 13% töweregi pese gaçdy. Düzedişden soň, Tokiodaky söwdanyň ýapylmagy bilen, kompaniýanyň paýnamalary günüň dowamynda bahasynyň 7,45% -ini ýitirip, her kagyzy 2362 iýen (16 dollar) boldy.
