12-nji martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Türki Döwletleriň Guramasynyň Aksakgallar geňeşiniň başlygy Binali Ýyldyrym bilen duşuşdy.
Duşuşygyň çäklerinde Aksakgallar geňeşiniň mejlisiniň jemleri jemlenildi, Guramanyň geljekki işleriniň, şeýle hem iki ýurduň arasynda gatnaşyklary ösdürmek meseleleri ara alnyp maslahatlaşyldy.
Aksakgallar geňeşiniň Başlygy hem-de Gurbanguly Berdimuhamedow agza ýurtlarynyň arasynda dost-doganlyk gatnaşyklaryny ösdürmek, hususan-da, medeni-ynsanperwer dialogy giňeltmek üçin bilelikdäki tagallalary birleşdirmegiň möhümdigi barada pikir alyşdylar. Mejlisiň dowamynda öňe sürlen başlangyçlaryň Türki Döwletleriň Guramasynyň mundan beýläk-de netijeli işlemegine kuwwatly itergi berjekdigine ynam bildirildi.
Söhbetdeşligiň barşynda türkmen halkynyň Milli Lideriniň öňe süren başlangyçlarynyň parahatçylygy, durnukly ösüşi üpjün etmekde hem-de köptaraplaýyn hyzmatdaşlygy giňeltmekde ägirt uly ähmiýete eýedigi bellenildi.
Ykdysadyýet, söwda, ulag, energetika, maýa goýumlary ulgamlarynda netijeli gatnaşyklary ösdürmekde Aksakgallar geňeşiniň agzalaryna aýratyn orun degişlidir diýip, Gurbanguly Berdimuhamedow Geňeşiň başlygy Binali Ýyldyryma mejlisiň ýokary guramaçylyk derejesinde geçirilendigi üçin minnetdarlyk bildirdi.
