Magtymgulynyň goşgularyna iň gowy aýdym-saz eserleri üçin kompozitorlaryň bäsleşigi yglan edildi

  • 09.03.2024 15:45
  • 4.2k+

Nury Halmämmedow adyndaky “Dutaryň sesi” VIII Moskwa Halkara sungat festiwalynyň çäklerinde beýik türkmen şahyry we filosofy Magtymgulynyň 300 ýyllygyna bagyşlanan “Magtymguly Pyragynyň goşgularyna aýdym-saz eserleri” ady bilen kompozitorlaryň bäsleşigi yglan edildi.

Bäsleşik Magtymgulynyň döredijiligi bilen tanyşdyrmak we onuň şahyrana mirasyny ýaýratmak maksady bilen geçirilýär.
Bäsleşige ýaş çäklendirmesiz kompozitorlar gatnaşyp bilýär. Bäsleşige Magtymgulynyň goşgularyna esaslanan ses we fortepiano ýa-da instrumental ansambly üçin original eserlere gatnaşmaga rugsat berilýär.
Bäsleşigiň ýeňijileri I, II, III derejeli diplomlar hem-de gymmat bahaly sowgatlar we baýraklar bilen sylaglanar. Gatnaşyjylaryň iň gowy işleri nota ýygyndysynda neşir ediler.
Bäsleşigiň professional emin agzalarynyň düzümine sungat işgärleri, saz sungatyny öwrenijiler, pedagoglar, şeýle-de Türkmenistanyň we Russiýanyň Suhan Tüýliýew, Daňatar Hydyrow, Jeren Gurbangylyjowa, Mämmet Güseýinow we Kirill Wolkow ýaly belli kompozitorlary girdi.  
Gatnaşmak üçin arzalar 2024-nji ýylyň 1-nji awgustyna çenli kabul edilýär. Nota materialy elektron salgysy boýunça kabul edilýär: festival.sounds-of-dutar@mail.ru. Eseriň dowamlylygy 8 minutdan geçmeli däl.
Bäsleşik barada jikme-jik maglumatlary “Dutaryň sesi” festiwalynyň saýtynda tapyp bilersiňiz: http://dutar-sounds.ru/ru/contests/composers-competition.html


düýn 11:22
4.5k+

Türkmenistanda Gurbannazar Ezizowyň doglan gününiň 85 ýyllygy belleniler

Noýabr aýynda Türkmenistanyň halk ýazyjysy, Magtymguly adyndaky döwlet baýragynyň eýesi Gurbannazar Ezizowyň doglan gününiň 85 ýyllygy mynasybetli aýdym-sazly dabara guralar. Bu barada 23-nji oktýabrda wise-premýer B...

23.10.2025 11:51
3.5k+

Rimde Kapitoliý muzeýinde ilkinji gezek «Türkmenistanyň gadymy siwilizasiýalary» atly sergi geçiriler

2025-nji ýylyň 25-nji oktýabryndan 2026-njy ýylyň 12-nji apreli aralygynda Rim şäherindäki Kapitoliý muzeýiniň Palazzo dei Conservatori zallarynda «Türkmenistanyň gadymy siwilizasiýalary» atly sergi geçiriler. Italiýaly tomaşaçylara ilkinji gezek Margiana we Parfiýa gadymy medeniýetleriniň arheologik tapyndylary görkeziler...

21.10.2025 10:54
2.8k+

“Mahabat” müdirligi «Meniň oýnum» atly täze multfilm çykardy

Ýakynda “Mahabat” müdirligi Mämmetjanyň başdan geçirmeleri dogrusynda gürrüň berýän multfilmiň «Meniň oýnum» atly täze bölümini halk köpçüligine ýetirdi. Multfilmi döretmek üçin döredijilik toparynyň eden yhlasy onuň täsirli sahnalarynda, gahrymanlaryň gyzykly gürrüňlerinde hem-de hereketlerinde, şeýle hem olaryň ýatda galyjy seslendirmelerinde has-da aýdyň görünýär...

20.10.2025 10:01
7k+

Türkmenistanda hepdelik howa maglumaty (20.10 - 26.10)

Türkmenistanyň Daşky gurşawy goramak ministrliginiň Gidrometeorologiýa baradaky gullugynyň ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda üýtgäp durýan bulutly howa bolup, gündogardan demirgazyk-günbatara ugruny üýtgedýän, tizligi sekuntda 9 — 12 metrden 13 — 15 metre ýetýän şemal öwser...