Kazanda geçirilýän «Geljegiň oýunlarynda» dünýädäki ilkinji fijital (iňl. «physical+digital» – wirtual we hakyky dünýäleriň utgaşmasy) durmuş toýy tutuldy diýip, RIA Nowosti habar berýär.
Adaty bolmadyk baýramçylyk şertlerinde Kazanyň ýaşaýjylary Ýegor Orehow we Ýelena Mullagaliýewa gatnaşyklaryny kanun esasynda berkitdiler. Dabara «Kazan Expo» halkara sergi merkezinde «Geljegiň oýunlarynyň» dowamynda ýaş çatynjalaryň maşgala agzalarynyň we ýakynlarynyň gatnaşmagynda geçirildi.
«Bize ret edip bolmajak teklip geldi. Hemme zat öz-özünden boldy, ýöne biz bu pikiri goldadyk» diýip, täze gurlan Orehowlaryň maşgalasy belledi.
Ýaş çatynjalar ýaryşyň dowamynda maşgala gurmak isleýän Kazanyň ýaşaýjylarynyň arasyndan emeli aň arkaly tötänleýin saýlandy.
