Ukrainanyň Harkow politehniki institutynda bilim alýan türkmenistanly talyp Babageldi Halimow garyşyk söweş sungaty (MMA) boýunça oblast birinjiligi ugrunda 19 – 40 ýaş aralygyndaky türgenleriň arasynda geçirilen ýaryşda 93 kilogram agram derejesinde birinji orna mynasyp boldy. Bu barada Türkmenistanyň Ukrainadaky ilçihanasy habar berýär.
Babageldi Halimow şu ýylyň ýanwar aýynda jiu-jitsy boýunça Harkow oblastynyň birinjiligi ugrundaky ýaryşda hem 90 kilogram agram derejesinde çempion bolupdy.
Ol 2023-nji ýylda garyşyk söweş sungaty boýunça boýunça Ukrainanyň açyk birinjiliginde birinji orna mynasyp boldy. Häzirki wagtda ol Harkow politehniki institutynyň nebitgaz fakultetiniň 4-nji ýyl talybydyr.
