Bloomberg: Apple 10 ýyldan soň elektromobil döretmekden ýüz öwürdi

  • 29.02.2024 15:29
  • 3.9k+

Apple kompaniýasy hususy elektromobilini döretmekden ýüz öwürmek we emeli aň tehnologiýalaryny ösdürmäge ünsi jemlemek kararyna geldi. Bu barada çeşmelere salgylanyp, Bloomberg agentligi habar berýär. Muny kommersant.ru ýetirýär.

Maglumatlara görä, 27-nji fewralda kompaniýanyň ýolbaşçylygy öz gelen karary barada awtomobili işläp düzmek bilen meşgullanan 2 müň işgäre habar berdi. Bu karary kompaniýanyň baş operasion müdiri Jeff Wilýams we taslama jogap berýän wise-prezident Kewin Linç goldady. 
Şeýlelikde, taslama gatnaşan işgärler emeli aňy ösdürmek boýunça bölümçä geçiriler. Galan ýüzlerçe awtomobil inženerleriniň we dizaýnerleriniň käbirleri bolsa işden çykarylar, ýöne olaryň takyk sany belli däl.
Apple elektromobil döretmek işine 2014-nji ýylda başlady, ýöne bu işde ençeme gezek kynçylyklar ýüze çykdy. Kompaniýa taslamanyň ýolbaşçylygyny we toparyň strategiýasyny birnäçe gezek üýtgetdi.  
Soňky gezek Apple awtomobiliň çykmagyny 2028-nji ýyla çenli süýşürdi. Onuň bahasy 100 müň dollar töweregi bolup bilerdi. Agentligiň çeşmeleri kompaniýanyň ýolbaşçylygynyň bu taslamanyň Apple-iň önümlerden alýan girdejisini üpjün etjekdigine şübhelenendigini aýtdylar. Şeýle-de, müdirler geňeşiniň durmuşa geçirilip bilinmejek taslama “ýylda ýüzlerçe million dollar sarp etmegiň” zerurlygyna şübhelenendigi bellenilýär.


düýn 21:14
1.4k+

Apple 14 ýylda ilkinji gezek smartfon üpjünçiligi boýunça Samsung-dan öňe geçer

Apple şu ýyl 2011-nji ýyldan bäri ilkinji gezek ýyllyk smartfon üpjünçiligi boýunça Samsung-dan öňe geçip biler. Bu barada Counterpoint Research kompaniýasynyň çaklamasyna salgylanyp, CNBC habar berýär. Analitikler şeýle ösüşi iPhone 17 hatarynyň üstünlikli bolmagy we pandemiýadan soň smartfonlaryň işjeň ýagdaýda täzelenmegi bilen baglanyşdyrýar...

28.11.2025 11:00
1.6k+

HP-de 6000 işgär emeli aňyň ornaşdyrylmagy sebäpli işini ýitirer

HP kompaniýasy işleri has netijeli etmek we emeli aňy ornaşdyrmak boýunça meýilnamanyň çäklerinde 2028-nji maliýe ýylyna çenli tutuş dünýä boýunça 4000-den 6000-e çenli iş ornuny azaltmagy meýilleşdirýär. Bu barada kompaniýanyň habarynda aýdylýar...

27.11.2025 23:20
5.7k+

Google-yň egindeş esaslandyryjysy Sergeý Brin dünýäniň iň baý adamlarynyň üçlügine girdi

Google kompaniýasyny esaslandyryjylaryň biri bolan Sergeý Brin 245 mlrd dollar baýlygy bilen dünýäniň iň baý adamlarynyň ilkinji üçlügine girdi. Forbes neşiriniň hasaplamalary boýunça, ol Oracle-yň egindeş esaslandyryjysy Larri Ellisondan öňe geçdi...

26.11.2025 11:29
5.1k+

Google-yň egindeş esaslandyryjysy Larri Peýj dünýäniň ikinji iň baý adamy boldy

Google-yň esaslandyryjylarynyň biri Larri Peýj emeli aň ulgamynyň täze wersiýasy Gemini 3 çykandan soň, şahsy baýlygy boýunça dünýäde ikinji adam boldy. Bu barada Forbes habar berýär. Geçen hepdede EA modeliniň çykmagy diňe bir hünärmenleri däl, eýsem kompaniýanyň esasy bäsdeşi OpenAI-i hem haýran galdyrdy...