Messi, Holand we Jokowiç sport “Oskaryna” dalaş edýär

  • 27.02.2024 23:35
  • 9.8k+

Sport “Oskary” diýlip atlandyrylýan abraýly Laureus baýragyna dalaşgärler belli boldy. Sekiz nominasiýada dalaşgärleriň sanawy guramaçylyk komitetiniň saýtynda ýerleşdirildi diýip, RBK habar berýär.

Baýragyň gowşurylyş dabarasy 22-nji aprelde Madridde geçiriler. Ýylyň iň gowy türgeni baýragyna futbolçylar Lionel Messi (2023-nji ýylda laureat boldy) we Erling Holand, tennisçi Nowak Jokowiç, “Formula-1-iň” sürüjisi Maks Werstappen, şestli böküji Arman Dýuplantis, ylgawçy Noa Laýls dalaş edýär.
Ýylyň zenan türgeni baýragyna futbolçy Aýtana Bonmati, dag lyžaçysy Mikaela Şiffrin, tennisçi Iga Swýontek, ylgawçylar Şerika Jekson, Şa’Karri Riçardson we Feýt Kipýegon dalaşgär görkezildi.
Şeýle-de, baýraklar “Ýylyň topary”, “Ýylyň öňegidişligi”, “Ýylyň gaýdyp gelmesi”, “Ýylyň mümkinçiligi çäkli türgeni”, “Ýagşylyk üçin sport” we “Ýylyň ekstremal görnüşlerde türgeni” nominasiýalarynda berler.
Baýrak 2000-nji ýyldan bäri berilýär, ýeňijiler Cartier-den altyndan we kümüşden ýasalan 30 sm heýkel alýarlar.
Laureus baýragyny iň köp alan türgen karýerasyny tamamlan şweýsariýaly tennisçi Rojer Federerdir. Onuň hasabynda ýylyň türgeni hökmünde bäş we “Ýylyň gaýdyp gelmesi” üçin bir baýrak bar.


düýn 13:47
2.3k+

“Liwerpul” “Baýer” toparyndan Žeremi Frimpong bilen gol çekişdi

“Liwerpul” Lewerkuzeniň “Baýeriniň” sag goragçysy Žeremi Frimpongyň topara geçendigini resmi taýdan yglan etdi. Klubuň web sahypasynda 24 ýaşly niderlandly futbolçynyň iňlis kluby bilen uzak möhletleýin şertnama baglaşandygy habar berildi...

31.05.2025 10:54
4.7k+

“Real” Trent Aleksandr-Arnoldyň geçendigini resmi taýdan yglan etdi

Madridiň “Realy” “Liwerpulyň” ýetişdiren oýunçysy we Angliýanyň milli ýygyndysynyň goragçysy Trent Aleksandr-Arnoldyň topara geçendigini resmi taýdan yglan etdi. Futbolçy bilen şertnama 2031-nji ýylyň iýun aýynyň ahyryna çenli möhlet bilen baglaşyldy...

30.05.2025 13:03
11k+

Ýewropanyň iň gymmat futbol klublarynyň reýtingi düzüldi

Football Benchmark Group agentligi Ýewropada bazar bahasy ýokary bolan klublaryň reýtingini düzdi. Sanawda öňdebaryjy Madridiň “Realy” boldy. Onuň bahasy 6,3 mlrd ýewro barabar. Bloomberg “patyşalyk klubunyň” girdejileriniň “Bernabeu” stadionynyň durkunyň täzelenmegi netijesinde ep-esli artandygyny belleýär...

28.05.2025 23:06
4.4k+

“Liwerpulyň” tälimçisi Arne Slot jenap Aleks Fergýuson adyndaky baýragy aldy

“Liwerpulyň” baş tälimçisi Arne Slot Menejerler assosiasiýasy (LMA) tarapyndan ýylyň tälimçisi diýlip ykrar edildi. Ol “Mançester Ýunaýtediň” öňki tälimçisi Aleks Fergýusonyň hormatyna atlandyrylan baýragy aldy...