NVIDIA bir günde 230 milliard dollar gymmatlap, absolýut dünýä rekordyny goýdy

  • 24.02.2024 17:34
  • 10k+

NVIDIA bazar kapitalizasiýasyny bir günde 230 milliard dollardan gowrak artdyrmak bilen, dünýä rekordyny goýdy. Bloomberg-iň ýazmagyna görä, kompaniýanyň paýnamalarynyň 15% ýokarlanmagy Meta tarapyndan fewral aýynyň başynda goýlan öňki rekorddan has ýokarydyr.

NVIDIA tarapyndan neşir edilen ýokary maliýe görkezijileri depginli ösüşiň katalizatory boldy. Kompaniýanyň dördünji çärýekdäki girdejisi 22,10 milliard dollar bolup, bir ýyl ozalkydan 265% köpdi. Ýyllyk girdeji 126% ýokarlap, 60,9 milliard dollar boldy we kompaniýanyň arassa girdejisi 769% ýokarlandy.
Şol bir wagtyň özünde, NVIDIA haýallamagyň alamatlaryny görmeýär. Kompaniýanyň şu çärýekdäki çaklamalary seljerijileriň garaşyşlaryndan has ýokary. Girdejiniň 24 milliard dollar bolmagyna garaşylýar, bu Microsoft we Meta ýaly esasy müşderiler tarapyndan AI-e köp çykdajy edilendigi bilen şertlendirilýär.
Wall Street-iň seljerijileri NVIDIA-nyň iň ýokary derejä ýetendigi bilen ylalaşýarlar. Morgan Stanley-den Jozef Muryň sözlerine görä, AI-e bolan isleg güýçli bolmagynda galýar we Sanford C. Bernstein-den Steýsi Rasgon bolsa kompaniýa "pul işleýär" diýip hasaplaýar.
NVIDIA-nyň geljegi uly görünýär we kompaniýa emeli aňyň ösmeginde öňdebaryjy rol oýnamagyny dowam etdirer.


28.11.2025 11:00
1.7k+

HP-de 6000 işgär emeli aňyň ornaşdyrylmagy sebäpli işini ýitirer

HP kompaniýasy işleri has netijeli etmek we emeli aňy ornaşdyrmak boýunça meýilnamanyň çäklerinde 2028-nji maliýe ýylyna çenli tutuş dünýä boýunça 4000-den 6000-e çenli iş ornuny azaltmagy meýilleşdirýär. Bu barada kompaniýanyň habarynda aýdylýar...

27.11.2025 23:20
5.9k+

Google-yň egindeş esaslandyryjysy Sergeý Brin dünýäniň iň baý adamlarynyň üçlügine girdi

Google kompaniýasyny esaslandyryjylaryň biri bolan Sergeý Brin 245 mlrd dollar baýlygy bilen dünýäniň iň baý adamlarynyň ilkinji üçlügine girdi. Forbes neşiriniň hasaplamalary boýunça, ol Oracle-yň egindeş esaslandyryjysy Larri Ellisondan öňe geçdi...

26.11.2025 11:29
5.2k+

Google-yň egindeş esaslandyryjysy Larri Peýj dünýäniň ikinji iň baý adamy boldy

Google-yň esaslandyryjylarynyň biri Larri Peýj emeli aň ulgamynyň täze wersiýasy Gemini 3 çykandan soň, şahsy baýlygy boýunça dünýäde ikinji adam boldy. Bu barada Forbes habar berýär. Geçen hepdede EA modeliniň çykmagy diňe bir hünärmenleri däl, eýsem kompaniýanyň esasy bäsdeşi OpenAI-i hem haýran galdyrdy...

23.11.2025 20:28
2.3k+

Bezos täze «Project Prometheus» startapyny esaslandyrdy we 6,2 milliard dollar maýa goýumyny toplady

Milliarder Jeff Bezos emeli aň ulgamynda «Project Prometheus» atly başlangyjyny işe girizdi. The New York Times gazetiniň habaryna görä, kompaniýa eýýäm 6,2 milliard dollar maýa goýumyny toplady we bu ony irki tapgyrdaky maliýeleşdirme boýunça dünýäde öňdebaryjy başlangyçlaryň birine öwürdi...