Germaniýanyň «Deutsche Telekom» kompaniýasy emeli aň (AI) funksiýalary bolan ilkinji smartfonyň çykarylandygyny habar berdi. Bu barada «Android Central» habar berýär.
«Deutsche Telekom» korporasiýasy fewral aýynyň ahyrynda geçiriljek «Mobile World Congress 2024» sergisinde emeli aňly telefonynyň konseptini tanyşdyrar. Enjam «Qualcomm» we «Brain.ai» kompaniýalary bilen bilelikde döredildi. Enjam doly emeli aňa esaslanar we onda hiç hili ykjam goşundylar bolmaz.
«T Phone» diýlip atlandyrylýan enjam ulanyjylaryň isleglerini bulut hyzmaty we AI modeli arkaly amala aşyrar. Enjamy sensorly displeý ýa-da ses arkaly dolandyryp bolýar. Şol sanda emeli aň suratlary redaktirlemäge we wideolary gaýtadan işlemäge mümkinçilik berer. Enjamyň aýratynlyklary aýan edilmeýär, ýöne smartfon «Snapdragon 8 Gen 3» flagman prosessory bilen üpjün ediler.
«Emeli aň we AI modelleri (LLM) ýakyn wagtda ykjam enjamlaryň aýrylmaz bölegine öwrüler» diýip, «Deutsche Telekom» kompaniýasynyň önümler we sanly tehnologiýalar boýunça direktory Jon Abrahamson belledi.
