18-nji fewralda Hytaýyň Xiaomi kompaniýasy flagman enjamlaryny öndürmek üçin täze özbaşdak zawod açdy. Brendiň başlygy Lýu Weýbingiň (bu wezipä ýakynda Leý Szunyň ornuna geçdi) sözlerine görä, kärhanada iň täze flagman Xiaomi 14 Ultra öndüriler.
Gizmoçinanyň habar bermegine görä, Pekiniň etegindäki Çanpin şäherinde ýerleşýän bu kärhana ýylda 10 million smartfon öndürip biler. Bu Xiaomi üçin möhüm ädim, sebäbi zawod, köplenç býujet modellerine garanda, has az mukdarda öndürilýän flagman enjamlaryny öndürmäge gönükdiriler.
Zawod doly awtomatlaşdyrylan sanly önümçilik liniýalary, şeýle hem prosesleri dowam edip duran wagtda seljermäge we özbaşdak karara gelmäge ukyply innowasiýa ulgamy bilen enjamlaşdyrylandyr.
Täze zawod Xiaomi-iň ilkinji akylly kärhanasy däl. Bu görnüşdäki ilkinji zawod 2019-njy ýylyň ahyrynda Içžuanda (Pekin) açylypdy. Şeýle-de bolsa, Çanpingdäki zawod göwrümi (ol on esse köp meýdany eýeleýär) we akyllylyk derejesi boýunça özünden öňküden ýokarydyr. Ikinji nesliň täze önümçilik liniýasy neşir edilýän platalary kebşirlemekden we synag etmekden başlap, olary ýygnamak we gaplamak ýaly ähli önümçilik tapgyrlaryny öz içine alýar.
