Kioto uniwersitetinden ýaponiýaly alymlar dünýädäki ilkinji agaç kosmos hemrasy LignoSat-y döretdiler. Bu barada “The Guardian” gazetine salgylanyp, gazeta.ru habar berýär.
LignoSat Halkara kosmos stansiýasynyň bortunda geçirilen bir ýyllyk synaglarda durnuklylygy we jaýrylmalara garşy çydamlylygy görkezen magnoliýa agajyndan ýasaldy. Döredijileriň aýtmagyna görä, agaç zondy resurslary tygşytlamak we ekologiýa täsiri azaltmak ýaly iki meseläni çözmeli.
“Ähli hemralar Ýeriň atmosferasyna gaýdyp gelenlerinde ýanýarlar we ençeme ýyllap atmosferanyň ýokarky gatlaklarynda ýüzjek alýumin oksidiniň ownujak böleklerini döredýärler. Ahyrynda bu Ýeriň daşky gurşawyna täsir edýär” – diýip, Kioto uniwersitetinden ýaponiýaly astronawt we aerokosmos inženeri Takao Doi belleýär.
LignoSat 2024-nji ýylyň tomsunda orbita çykarylmaly. Ony ol ýere HKS-niň üpjünçilik gämisi Orbital Sciences Cygnus ýa-da SpaceX Dragon raketasy elter.
Zondy döredijiler agaç hemranyň Ýere golaý giňişlikde azyndan alty aý bolmagyny göz öňünde tutýarlar.
