Halkara Olimpiýa Komiteti (HOK) 45 ýaşly Menni Pakýao üçin Parižde geçiriljek Olimpiadadaky boks ýaryşyna gatnaşmak ähtimallygyna garamak baradaky iş boýunça gutarnykly netijä geldi. Bu barada mma.metaratings.ru habar berýär.
Ýatlap geçsek, Pakýao geçen ýylyň tomsunda Olimpiýa oýunlarynda çykyş etmek isleýändigini aýtdy. Oktýabr aýynda bu başlangyjy Filippinleriň Olimpiýa komiteti goldady we HOK-a degişli arzany iberdi.
Şeýle-de bolsa, Olimpiýa oýunlarynyň düzgünlerine görä, 2013-nji ýyldan bäri boksçylaryň iň uly ýaşy 40 ýaş bolmaly. Bir gün öň HOK bu düzgünleri üýtgetmekçi däldigini mälim etdi.
45 ýaşly Pakýao soňky gezek ringe 2022-nji ýylyň dekabr aýynda bloger Di Keý Ýo garşy çykdy. Menni emin agzalarynyň biragyzdan karary bilen ýeňiş gazandy. Onuň hasabynda professional boksda 62 ýeňiş (39-ysy nokaut bilen), sekiz ýeňliş we iki deňme-deňlik bar.
