«Türkmendeňizderýaýollary» agentliginiň hünärmenleri Ispaniýa Patyşalygynyñ Walensiýa deňiz portuna iş sapary bilen baryp gördüler.
"Türkmenistan: Altyn asyr" elektron neşiriniň habar bermegine görä, bu sapar Ýewropadaky Howpsuzlyk we Hyzmatdaşlyk Guramasynyň «Hazar deňziniň sebitinde «ýaşyl» portlaryň we durnuklylyk ýörelgelerini ulanmak» taslamasynyň çäginde gurnaldy.
Agentligiň wekilleri Walensiýa portunyň CO2 zyňyndylaryny azaltmak boýunça alyp barýan işleri we deňiz portlarynda (ýaşyl energiýa) geçiş taslamalary bilen tanyşdylar.
Şeýlelik bilen, Walensiýa portunda wodorod hereketlendirijisi bilen tirkegli we stakerler (konteýnerler bilen işlemek üçin ýükleýjiler) traktorlar ulanylýar.
«Hazar deňziniň sebitinde «ýaşyl» portlaryň we durnuklylyk ýörelgelerini ulanmak» taslamasynyň çäginde «Türkmendeňizderýaýollary» agentliginiň hünärmenleri Ýewropa ýurtlarynyň birnäçe deňiz portlaryna baryp gördüler we porty sanlylaşdyrmak, amallary we durnukly ösüş ýörelgelerini ulanmak ugrundaky öňdebaryjy tejribe bilen tanyşdylar.
