Türkmenistanyň wekiliýeti 15-17-nji fewralda Katar Döwletiniň paýtagty Doha şäherinde geçirilen “Emiriň gylyjy” atly halkara bäsleşik-festiwaly gatnaşdy. Bu halkara çärede türkmen wekiliýetine Aba Annaýew adyndaky Halkara atçylyk akademiýasynyň rektory P.Baýramdurdyýew ýolbaşçylyk etdi diýip, Türkmenistanyň DIM-i habar berýär.
Çäräniň çäklerinde Türkmenistanyň wekiliýeti Kataryň Atçylyk federasiýasynyň Baş sekretary Şeýh Ahmad bin Nuh Al-Tani bilen duşuşdy. Hususan-da, taraplaryň arasynda işjeň gatnaşyklary ýola goýmak arkaly bedewleri ýetişdirmek we atçylyk sporty boýunça özara tejribe alyşmak babatynda iki ýurduň arasynda uly mümkinçilikleriň bardygy bellenildi.
Şeýle hem, Türkmenistanyň wekiliýeti “Al Şakab” Atçylyk merkezinde weterinariýa ugry boýunça hünärmenler bilen duşuşyk geçirdi.
