Köpetdagyň eteginde Magtymguly Pyragy medeni-seýilgäh toplumynda beýik türkmen şahyrynyň ýadygärliginden başga-da, 25 töweregi daşary ýurt ýazyjylarynyň we akyldarlarynyň heýkelleri oturdylar. Bu barada “Türkmenistan: Altyn asyr” neşiri bilen söhbetdeşlikde Türkmenistanyň halk suratkeşi Saragt Babaýew gürrüň berdi.
25 şahyryň we akyldaryň sanawy heniz gutarnykly däl, ýöne häzir şu aşakdakylary öz içine alýar:
- Du Fu (Hytaý);
- Şota Rustaweli (Gruziýa);
- Kut-ad-din Şirazi (Eýran);
- Rabindranat Tagor (Hindistan);
- Iogann Wolfgang Gýote (Germaniýa);
- Alyşir Nowaýy (Özbegistan);
- Ýunus Emre (Türkiýe);
- Wilýam Şekspir (Angliýa);
- Onore de Balzak (Fransiýa);
- Fýodor Dostoýewskiý (Russiýa);
- Çingiz Aýtmatow (Gyrgyzystan);
Bürünç ýadygärlikleriň beýikligi 3,5 metr, sütün bilen 6 metr bolar. Magtymgulynyň bürünç ýadygärligi on esse beýikdir.
Türkmen şahyrynyň ýadygärliginiň üstündäki işler 36 heýkeltaraşyň gatnaşmagynda alnyp baryldy. Beýleki şahyrlaryň we akyldarlaryň heýkellerini döretmek üçin S.Babaýew iň zehinli we zähmetsöýer heýkeltaraşlaryň 11-isini saýlap aldy.
Iş maý aýynyň ortalaryna çenli ýetişmek üçin gyzgalaňly ýagdaýda alnyp barylýar.
Heýkeltaraş Türkmenistanyň Prezidentiniň we Halk Maslahatynyň Başlygynyň bu ägirt taslamany durmuşa geçirmekde uly kömek berýändigini belledi.
