Türkmenistanyň çempiony «Arkadag» futbol kluby BAE-de okuw-türgenleşik ýygnanyşygynyň çäginde Russiýanyň «Pari NN» topary bilen ýoldaşlyk duşuşygyny geçirer. Bu barada rus toparynyň metbugat gullugy habar berdi.
Duşuşyk 18-nji fewralda geçiriler. Duşuşygyň stadiony we başlanjak wagty ýakyn wagtda mälim ediler.
Belläp geçsek, «Pari Nižniý Nowgorod» topary 2015-nji ýylda esaslandyrylyp, ol 2021-nji ýyldan bäri Russiýanyň Premýer-ligasynda çykyş edýär.
Wladimir Baýramowyň ýolbaşçylygyndaky «Arkadag» topary 4-nji martda başlanjak Türkmenistanyň çempionatynyň täze möwsümine taýýarlyk görýär. Klub Türkiýäniň Antalýa şäherinde guralan okuw-türgenleşik ýygnanyşygynyň çäklerinde Demirgazyk Makedoniýanyň «Wardar» (1:0) toparyny utdy, Ukrainanyň «Şahtýor» (1:4) we «Dnepr-1» (0:1) toparlaryndan ýoldaşlyk duşuşyklarynda asgyn geldi.
