Ilham Aliýew nobatdan daşary saýlawlarda ýeňiş gazanandan soň Azerbaýjanyň prezidenti wezipesine girişdi. Bu barada respublikanyň Baştutanynyň metbugat gullugyna salgylanyp, lenta.ru habar berýär.
“14-nji fewralda Milli Mejlisde Azerbaýjan Respublikasynyň prezidenti Ilham Aliýewiň kasam kabul ediş dabarasy geçirildi. Azerbaýjan Respublikasynyň prezidenti Ilham Aliýew Azerbaýjan Respublikasynyň Konstitusiýasyna elini goýup, kasam kabul etdi” – diýlip, habarda bellenilýär.
9-njy fewralda ýurtda nobatdan daşary prezident saýlawlary tamamlandy we onda Ilham Aliýew ýeňiş gazandy. Ähli býulletenler işlenenden soň, Aliýew 92,12% ses aldy. Oňa 4 577 693 saýlawçy ses berdi.
Kasam kabul ediş dabarasyndan soň Azerbaýjanyň hökümeti işinden çekildi. Bu ýurduň Konstitusiýasynyň talaplaryna laýyklykda bolup geçdi.
