«Google» «Bard» çat-botunyň adyny «Gemini» diýip üýtgetdi we emeli aňyň kuwwatly nusgasy üçin tölegli abunalyk girizdi.
«Google-yň» «Gemini Ultra» diýlip atlandyrylýan iň kuwwatly emeli aň modeli «Google One» abunalygy bilen «AI Premium» nyrhnamasy hasaba alnandan soň ulanyjylar üçin elýeterli bolar. Ilkinji iki aýda ulanyş mugt, soň bolsa aýda ABŞ-nyň 20 dollary möçberinde töleg talap edilýär.
«Ultra» has çylşyrymly meseleleri çözmäge ukyply, has gowy logiki pikirleri gurýar we ulanyjynyň emeli aňa ýüzlenmeleriniň mazmunyny göz öňünde tutup, onuň görkezmelerini has ünsli ýerine ýetirýär diýip, kompaniýada belleýärler
«Google» 2023-nji ýylyň dekabrynda «Gemini» emeli aň modelleriniň maşgalasyny tanyşdyrdy. «Bard» çat-boty olaryň iň kiçi nusgasy «Gemini Pro» bilen üpjün edildi. «Gemini Nano» nusgasy bolsa «Google Pixel 8» smartfonlaryna, şeýle hem «Samsung Galaxy S24-e» ornaşdyryldy.
Ondan öň «OpenAI» we «Microsoft» emeli aň hyzmatlaryna abunalyk girizipdi. Olaryň ikisiniň hem bahasy aýda 20 dollar.
