Azerbaýjanyň Prezidenti Ilham Aliýew Respublikadaky nobatdan daşary Prezident saýlawlarynda 92,05% ses aldy diýip, Azerbaýjanyň Merkezi saýlaw toparynyň (MST) başlygy Mazahir Panahow býulletenleriň 93,35%-ne seredilenden soň belläp geçdi.
Nobatdan daşary Prezident saýlawlary Azerbaýjanda 8-nji fewralda 18:00-da tamamlandy.
2023-nji ýylyň 7-nji dekabrynda Aliýew nobatdan daşary Prezident saýlawlaryny geçirmek baradaky Buýruga gol çekdi. Ýurduň Merkezi saýlaw topary saýlawlary 2024-nji ýylyň 7-nji fewralynda geçirmegi meýilleşdirdi. Azerbaýjanda 6 milliondan gowrak saýlawçy bar. MST 6537 sany saýlaw uçastogyny açdy we 90 müňden gowrak synçy hasaba alyndy.
Daşary ýurtdaky raýatlar üçin 37 ýurtda 49 saýlaw uçastogy açyldy.
Saýlawlara ýedi dalaşgär gatnaşdy, Azerbaýjanyň Prezidenti ýedi ýyl möhlet bilen saýlanýar.
