Microsoft Windows 10-da ulanyjylardan Windows 11-e çenli täzelenmäni almagy teklip edýän, aýryp bolmaýan doly ekranly mahabatyny hödürläp başlady diýip, ITHome salgylanýan Ferra ýazýar.
Windows 10-nyň ulanyjylary ilkinji gezek 2023-nji ýylyň maý aýynda bizar ediji penjireleriň çykmagyny başdan geçirdiler, 2024-nji ýylyň ýanwar aýyndaky täzelenme bolsa ört sany doly ekranly habaryň üsti bilen "täzelenmegi" haýyş edip, ýagdaýy hasam erbetleşdirdi.
Habarlarda Windows 11-iň mugt täzelenmeler, maglumatlary we sazlamalary ýatda saklamak, täze dizaýn we gowulaşdyrylan howpsuzlyk ýaly artykmaçlyklary görkezilýär.
Muňa garamazdan, ulanyjylaryň köpüsi täze ulgamyň durnuksyzlygyna we enjamyň üpjünçiliginiň, TPM 2.0 çipiniň zerurlygy ýaly, berk talaplarynyň bardygyna salgylanyp, Windows 10-da galmagy makul bilýärler.
StatCounter-iň berýän maglumatlaryna görä, Windows 10 henizem 66,43 göterim paý bilen bazarda esasy bolmagynda galýar, Windows 11-de bolsa Copilot ýaly aýratynlyklary birleşdirip, OS-y has özüne çekiji etmäge edilýän synanyşyklara garamazdan, Windows 11 diňe 27,82 göterim paý alýar.
