Wengriýanyň ýaşaýjysy Barnabas Wužiti-Žolnaý göni ýaýlymda World of Warcraft oýnunyň başynda 59 sagat 20 minut sarp edip, täze dünýä rekordyny goýdy. Ginnesiň rekordlar kitaby onuň strimini taryhda iň dowamlysy diýip ykrar etdi. Bu barada rbclife.ru habar berýär.
Öňki rekord MMORPG oýnuny 23 sagat 31 minut oýnan ulanyja degişlidi.
Barnabas Wužiti-Žolnaý Budapeştde professional şef-aşpez bolup işleýär, boş wagtlary bolsa wideo oýunlary oýnaýar. Ol rekordy täzelemek üçin iki günden gowrak wagtlap üznüksiz kompýuteriň başynda oturmaly boldy. Oňa her sagat birneme dynç almagy we iýmegi üçin bäş minutlyk arakesme berildi.
Rekord eýesi bu üstünligiň aňsat düşmändigini, 45 sagatdan soň gallýusinasiýanyň başlandygyny aýdýar. Güýçli ýadawlyga garamazdan, ol kofe içmekden ýüz öwrüp, diňe suw içdi. Geýmeriň aýtmagyna görä, oýun wagty ol 15 l suwuklyk içdi.
Oýun esport1.hu geýmer saýtynda göni ýaýlymda görkezildi. Ýaýlymdan gelen girdejileriň ählisi haýyr-sahawata gönükdirildi.
Barnabas Wužiti-Žolnaý üstünligi ýitirmek islemeýändigini we zerur bolan ýagdaýynda täze rekord goýmaga taýýardygyny aýdýar.
