Merkez Aziýa ýurtlarynyň ýokary okuw mekdepleriniň talyplarynyň, magistrleriniň arasynda düzme ýazmak bäsleşigi yglan edildi

  • 07.02.2024 18:33
  • 7.3k+

Türkmenistanyň Daşary işler ministrliginiň Halkara gatnaşyklary instituty tarapyndan Merkezi Aziýa ýurtlarynyň (Türkmenistan, Gazagystan Respublikasy, Gyrgyz Respublikasy, Täjigistan Respublikasy, Özbegistan Respublikasy) ýokary okuw mekdepleriniň talyplarynyň, magistrleriniň arasynda «Dünýäde parahatçylygy we howpsuzlygy gorap saklamakda halkara ynsanperwer hukugynyň ähmiýeti» atly esse (düzme) bäsleşigi yglan edildi.

Bäsleşigiň maksady halkara ynsanperwer hukugyň binýatlaýyn ýörelgelerini öz içine alýan bilimleri ilat köpçüliginde giňden wagyz etmek we ýaýratmakdan ybarat diýlip, institutyň resmi saýtynda habar berilýär.
Bäsleşige diňe ýokary okuw mekdepleriniň talyplary we magistrleri gatnaşyp biler. Oňa diňe bir awtordan ybarat bolan işler kabul edilýär. Köpçülikleýin, toparlaýyn işler kabul edilmeýär. Işler rus dilinde kabul edilýär.
Esse bäsleşigine ýazylan işleri we maglumatlary 2024-nji ýylyň 15-nji apreline çenli hhkafedra@gmail.com e-poçta arkaly ibermeli.
Bäsleşigiň netijeleri 2024-nji ýylyň 1-nji maýynda institutyň web saýtynda ýerleşdiriler.
Bäsleşige tabşyrylan işleri bahalandyrmak we jemlerini jemlemek Garaşsyz eminler topary tarapyndan amala aşyrylar.Bäsleşigiň ýeňijilerini sylaglamak dabarasy Türkmenistanyň Daşary işler ministrliginiň Halkara gatnaşyklary institutynda 2024-nji ýylyň 8-nji maýynda geçiriler. Türkmenistandan başga gatnaşan döwletleriň ýeňijileri bäsleşigiň jemleýji tapgyryna onlaýn görnüşinde birigerler.
Işleri tabşyrmak 2024-nji ýylyň 15-nji apreline çenlidir.


16.09.2025 19:09
6.5k+

Koreýanyň ilçihanasy türkmen raýatlary üçin talyp hakly maksatnamasyny yglan etdi

Koreýa Respublikasynyň Bilim ministrliginiň Halkara Bilim instituty ýokary bilim almak üçin döwlet talyp hakly maksatnamasyna (GKS) arzalaryň kabul edilip başlanandygyny mälim etdi. Bu maksatnamanyň çäklerinde Türkmenistanyň raýatlary üçin ilçihana arkaly bakalawr maksatnamasyna iki orun berilýär...

15.09.2025 17:42
5k+

Türkmenistanda okuwçylar üçin koreý we ýapon dilleri boýunça okuw kitaplary neşir edildi

Türkmenistanda umumybilim berýän mekdepleriniň 9-njy synplary üçin iki sany täze — «Koreý dili» we «Ýapon dili» okuw kitaplary neşir edildi. Bu işe daşary ýurt dilleriniň okadylyşyny döwrebaplaşdyrmak hem-de sanly tehnologiýalary okuw işine ornaşdyrmak boýunça maksatnamanyň çäginde badalga berildi diýip, Bilim ministrliginde habar berdiler...

15.09.2025 17:35
2.2k+

Türkmenistanyň ýokary okuw mekdepleriniň wekilleri Astanada halkara okuw maslahatyna gatnaşdylar

9–12-nji sentýabr aralygynda Türkmenistanyň Döwlet energetika institutynyň we Ýagşygeldi Kakayew adyndaky Halkara nebit we gaz uniwersitetiniň wekillerinden ybarat topar iş sapary bilen Astana şäherinde boldy. Saparyň...

15.09.2025 12:12
30k+

Londonyň öňdebaryjy kompaniýalarynyň biri türkmen okuwçysynyň döreden programmasy bilen gyzyklanýar

Londonda programma üpjünçiligini işläp taýýarlamak bilen meşgullanýan öňdebaryjy kompaniýalarynyň biri bolan “Junius Tech” türkmen okuwçysynyň döreden programmasy bilen gyzyklanýar. 97-nji orta mekdebiniň okuwçysy, “Kämil Bilim” merkeziniň Erjeller kompýuter bölüminiň programmirleme kurslarynyň diňleýjisi Begenç Annaorazow - Screen Guard (Ekran Goraýjysy) atly mobil goşundysyny döretdi...