2017-nji ýyldan bäri Türkmenistan bilen Özbegistanyň arasyndaky haryt dolanyşygy 5 esseden gowrak ýokarlandy

  • 08.02.2024 20:01
  • 6k+

2017-nji ýyldan bäri Türkmenistan bilen goňşy Özbegistanyň arasyndaky haryt dolanyşygy 5 esseden gowrak ýokarlandy we 2023-nji ýylda 1 mlrd 94 mln dollara ýetdi. Bu barada Aşgabatda geçirilen metbugat brifinginde Özbegistanyň Türkmenistandaky ilçisi Akmolžon Kuçkarow habar berdi diýip, SNG.Today belleýär.

Diplomat iki ýurduň gatnaşyklarynyň halklaryň arasyndaky umumy taryhy, medeni we dil gatnaşyklaryna esaslanýandygyny belledi. Ilçiniň aýtmagyna görä, hyzmatdaşlygyň täze tapgyry Özbegistanyň prezidenti Şawkat Mirziýoýewiň 2017-nji ýylda Aşgabada saparyndan we Strategiki hyzmatdaşlyk barada şertnama baglaşylandan soň başlandy.

“2017-nji ýyldan 2023-nji ýyl aralygynda özara söwdanyň bäş esseden gowrak ýokarlanyşy hasaba alyndy. Geçen 2023-nji ýylyň jemi boýunça ol 1 mlrd 94 mln dollara barabar boldy. Özbegistan Respublikasynyň Statistika agentliginiň maglumatlaryna görä, 2022-nji ýylda özara haryt dolanyşygy 920 mln boldy, ýagny ösüş, takmynan, 10%-e deň” – diýip, ilçi aýtdy.

Sebitara gatnaşyklaryň işjeňleşmegi we iki ýurduň telekeçileriniň işewür geňeşiniň işi hem aýratyn bellenildi.

“Şu ýyl ýokary derejede özara saparlaryň bolmagyna garaşylýar. Diplomatiki kanallar arkaly eýýäm wagt ylalaşylýar. Bu döwlet Baştutanlarynyň näderejede ýakyn aragatnaşyk saklaýandygyny we diňe bir ikitaraplaýyn hyzmatdaşlyga däl, eýsem Merkezi Aziýada sebit ýakynlaşygyna ýardam etmek üçin uly tagallary edýändigini ýene bir gezek görkezýär” – diýip, özbek diplomaty aýtdy. 


düýn 17:40
6.3k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...

düýn 07:32
6.4k+

Antoniu Guterriş Türkmenistanyň Prezidentine hoşallygyny beýan edip hat ýazdy

Birleşen Milletler Guramasynyň Baş sekretary Antoniu Guterriş Türkmenistanyň Prezidenti Serdar Berdimuhamedowa Awazada BMG-niň maslahatynyň üstünlikli geçirilmegine hoşallyk bildirip hat iberdi. Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahaty 2025-nji ýylyň 5 — 8-nji awgustynda geçirildi...

27.08.2025 16:43
6.4k+

6-njy sentýabrda Aşgabatda hukuk meseleleri boýunça raýatlaryň jemgyýetçilik kabul edişligi bolar

6-njy sentýabrda Aşgabatda Türkmenistanyň Adalat ministrliginiň binasynda hukuk meseleleri boýunça raýatlaryň jemgyýetçilik kabul edişligi geçiriler. Bu barada «Neýtralnyý Türkmenistan» gazeti habar berýär. Jemgyýetçilik kabul edişligine Türkmenistanyň Adalat ministrliginiň, Baş prokuraturasynyň, Ýokary kazyýetiniň işgärleriniň we Aşgabat şäher adwokatlar kollegiýasynyň agzasy gatnaşar...

27.08.2025 16:22
5.7k+

Türkmenistanyň Prezidenti Moldowany Garaşsyzlyk güni bilen gutlady

Prezident Serdar Berdimuhamedow Moldowa Respublikasynyň Prezidenti hanym Maýýa Sanduwа we ýurduň ähli halkyna Moldowa Respublikasynyň Garaşsyzlyk güni mynasybetli tüýs ýürekden gutlaglaryny hem-de iň gowy arzuwlaryny iberdi...