Amerikaly milliarder Jeff Bezos Amazon kompaniýasynyň 50 milliona çenli paýnamasyny satmakçy bolýar. Ol muny 2025-nji ýylyň 31-nji ýanwaryndan öň eder diýip, Reuýters habarlar gullugyna salgylanýan “Коммерсантъ” ýazýar.
Bu paýnamalaryň bazar bahasy 8,6 milliard dollara ýetýär. Häzir her kagyzynyň bahasy 171,8 dollar.
Amazon-yň hasabatynda satmak meýilnamasynyň baryp 2023-nji ýylyň noýabr aýynda kabul edilendigi aýdylýar. Soňky bir ýylda Amazonyň paýnamalarynyň bahasy 80% -den gowrak ýokarlandy.
Bezos 1994-nji ýylda Amazony kitap satyjysy hökmünde esaslandyrdy. 2021-nji ýylda ol baş direktorlyk wezipesinden boşap, direktorlar geňeşiniň ýerine ýetiriji başlygy boldy. Bloomberg-iň berýän bahasyna görä, Bezos dünýädäki ikinji baý adamdyr (197 milliard dollar). Forbesiň maglumatyna görä, ol üçünji orunda durýar (193,8 milliard dollar).
