Aziýanyň Kubogynyň 1/4 finaly: Eýran Ýaponiýany utdy, Özbegistan Katardan utuldy

  • 04.02.2024 11:24
  • 8.7k+

Katarda geçirilýän futbol boýunça Aziýanyň Kubogynyň ýarym finalçylarynyň ählisi belli boldy.

1/4 finalda Eýranyň milli ýygyndysy Ýaponiýa bilen duşuşdy. "Edýukeýşn Siti" stadionynda geçirilen oýun Eýranyň peýdasyna 2:1 hasabynda tamamlandy.
Oýnuň 28-nji minutynda Ýaponiýanyň milli ýygyndysynyň ýarym goragçysy Hidemasa Morita hasaby açdy. 55-nji minutda eýranly hüjümçi Mohammad Mohebi Serdar Azmunyň geçiriminden soň hasaby deňledi. 90+6-njy minutda Eýranyň milli ýygyndysynyň ýarym goragçysy Alireza Jahanbahş on bir metrlik urgudan gol girizdi.
Bu tapgyryň jemleýji oýnunda Özbegistanyň milli ýygyndysy ýaryşyň eýesi Katardan utuldy. El-Haurda geçirilen oýun esasy wagtda 1:1 we penalti tapgyrynda 3:2 hasabynda tamamlandy.
Aziýanyň häzirki çempionlary bolan katarlylar oýnuň 27-nji minutynda hasaby açdylar. Hassan Al-Haidosyň urgusyndan soň pökgi derwezeban Utkir Ýusupowyň eline degip, derwezä girdi. Awtogol Özbegistanyň derwezebanynyň adyna ýazyldy.
Oýnuň ikinji ýarymynda Özbegistan 59-njy minutda Odolžon Hamrobekowyň goly netijesinde hasaby deňledi.
Toparlar esasy we goşmaça wagtda güýçlini saýlap bilmediler. Penalti tapgyrynda Kataryň futbolçylary üstün çykdy - 3:2.
Ýarym finalda Katar - Eýran we Günorta Koreýa - Iordaniýa duşuşyklary geçiriler.


şu gün 10:14
520

IFAB penalti urgusynyň düzgünlerine täze düşündiriş girizdi

Halkara Futbol Assosiasiýalarynyň Geňeşi (IFAB) penalti urgusynyň düzgünlerini aýdyňlaşdyrdy. Olar guramanyň resmi saýtynda ýerleşdirildi. Düzgünlere görä, eger 11 metrlik urgy wagtynda topa iki gezek deglen we şol bir wagtyň özünde top derwezä giren bolsa, emin urgyny ikilenç bellemeli...

şu gün 10:09
474

Goal “Altyn topa” dalaşgärleriň sanawyny täzeledi: oňa Hwiça we Due goşuldy

Goal internet neşiri 2025-nji ýylyň “Altyn top” baýragyna esasy dalaşgärleriň sanawyny täzeledi. Ilkinji onlukda Çempionlar ligasynyň finalyna gatnaşan Milanyň “Interiniň” ýekeje-de oýunçysy ýok. Ýaryşyň ýeňijisi “PSŽ” boldy...

düýn 16:12
6.6k+

“Inter” Simone Indzaginiň baş tälimçi wezipesinden gidendigini mälim etdi

Simone Indzagi ikitaraplaýyn ylalaşyk esasynda “Interiň” baş tälimçisi wezipesini terk etdi. Maglumat italýan klubunyň resmi saýtynda tassyklandy. Indzagi “Intere” 2021-nji ýylyň tomsundan bäri ýolbaşçylyk etdi...

düýn 16:10
7.3k+

Ýamal CIES tarapyndan dünýäniň iň gymmat futbolçysy diýlip atlandyryldy

Ispaniýanyň milli ýygyndysynyň hüjümçisi Lamin Ýamal Halkara sport gözlegleri merkeziniň (CIES Football Observatory) wersiýasy boýunça dünýäniň iň gymmat futbolçysy boldy. “Barselona” bilen täze şertnama baglaşandan soň, onuň transfer bahasy 402,3 mln ýewro diýlip hasaplandy...